En canto á obra de Raquel Boo, os membros do xurado estimaron a gran forza imaxinativa do texto, destacando que esperta gran interese por parte do lector. Do mesmo xeito, tiveron en conta o tratamento que se fai do mundo feminino, subliñando a diversidade da muller en senso amplo, e sentindo a problemática dos personaxes como se foran da mesma autora.

  O xurado, decidiu concederlle o segundo premio á escritora de Curtis Raquel Boo Anderson, pola obra titulada Intres . Este galardón está dotado con cincocentos euros, mentres que o gañador do certame recibirá mil.

  O escritor Ramón Vilar Landeira, natural de Cerceda,  fíxose co primeiro premio. O autor concorreu ao certame literario organizado na Pobra coa obra Arrítmicos eran os corazóns .

  A cerimonia de entrega dos galardóns desta edición do certame Ramón del Valle-Inclán terá lugar no auditorio do museo pobrense. Está prevista a asistencia de autoridades locais, así como de diversos escritores.

Fonte: a Voz de Galicia