Se ben o descubremento e popularización de Edilberto Alonso, e a súa canción "Galicia será nación", débese fundamentalmente a internet e particularmente á blogosfera galega, ou "blogomillo", outros medios de comunicación achegáronse estes días, ó noso trobador curtiense.

    "La Voz de Galicia" recollía a noticia na súa edición dixital baixo o titular: "Un trobador galegó cántalle a Anxo Quintana na rede", e tamén adicáballe un espazo na contraportada da súa edición en soporte papel do sábado 27 de maio titulando: "Una Oda a Quintana arrasa en internet".

   Do mesmo xeito o diario "Galicia Hoxe" tamén adicaba unha ampla reportaxe ó tema o  1 de xuño, con fotografía de referencia  na cabeceira de portada dese día, titulando: "Unha Oda a Quintana convértese no último fenómeno de internet", recolléndoo tamén na súa edición dixital.

    O mundo das ondas tampouco quixo estar ausente deste "fenómeno", e así o pasado venres 26 de maio, poidemos escoitar ó noso amigo Edilberto que falaba dende a súa casa de Irlanda, entrevistado pola  Radio Galicia-Cadena SER.

    Por xentileza de Luís Pardo, cousa que agradecemos, recibimos copia da grabación desta entrevista, e aquí a tedes para disfrute de todos.